गोरखापत्र समाचारदाता
कठमाडौँ, मङ्सिर ८ गते
गोरखापत्रको बहुभाषिक पृष्ठ ‘नयाँ नेपाल’ मा कार्यरत कम्प्युटर अधिकृत मञ्जु सापकोटालाई बिदाइ गरिएको छ । नयाँ नेपाल भाषा पृष्ठ संयोजक समितिद्वारा शनिबार उहाँलाई बिदाइ गरिएको हो । सो अवसरमा उहाँलाई प्रशंसापत्रसमेत प्रदान
गरिएको छ ।
गोरखापत्र दैनिकका निमित्त प्रधान सम्पादक शिवकुमार भट्टराई, नयाँ नेपालका संयोजक कुमार विवेकानन्द मिश्र, गोरखापत्र अनलाइनका निमित्त सम्पादक लक्की चौधरी, भाषा आयोगका सदस्य सुरेशकिरण मानन्धरलगायतले उहाँलाई बिदाइ गर्नुभयो । प्रधान सम्पादक भट्टराईले
गोरखापत्रमा प्रकाशित हुँदै आएको ४४ वटा भाषाले नेपाललाई जोड्ने काम गरिरहेको धारणा व्यक्त गर्नुभयो ।