गोरखापत्र समाचारदाता
काठमाडौँ, वैशाख २३ गते
गोरखापत्र प्रकाशनको १२४ औँ वर्ष र गोरखापत्र संस्थानको ६२ औँ वार्षिकोत्सवका अवसरमा २८ जनाले रक्तदान गर्नुभएको छ । गोरखापत्र संस्थान र नेपाल पत्रकार महासङ्घ गोरखापत्र प्रतिष्ठानले संयुक्त रूपमा आइतबार संस्थान परिसरमा आयोजित रक्तदान कार्यक्रममा भएको हो ।
नेपाल रेडक्रस सोसाइटीको प्राविधिक सहयोगमा आयोजित रक्तदान कार्यक्रममा संस्थानका सल्लाहकार सम्पादक उपेश महर्जन, नेपाल पत्रकार महासङ्घ गोरखापत्र प्रतिष्ठानका सल्लाहकार तुलसीहरि कोइरालाका साथै गोरखापत्रका पत्रकार एवं कर्मचारीहरू प्रकृति अधिकारी, लोकबहादुर चौधरी, रिङ्कु झा, रामराजा श्रेष्ठ, राम श्रेष्ठ, पुरुषाोत्तम बाँस्कोटा, लक्ष्मण काफ्ले, कुसमाया सुनुवारले हिमाल जिसी, हरिशरण थापा, अनिल तामाङ, ललित बसेल, शङ्करप्रसाद लामिछाने, नरेश बटाला, लक्ष्मी खनाल, दुर्गाप्रसाद घिमिरे, बिनु श्रेष्ठ, रमेशबहादुर थापा, निरजबाबु भट्ट, लक्ष्मी खतिवडा, सरोज ढुङ्गेल, मित्र भण्डारी र नेपाल टेलिकमका कर्मचारीद्वय प्रमोद खनाल र अच्युत ओझाले पनि रक्तदान गर्नुभयो ।
नेपाल रेडक्रस सोसाइटीका कर्मचारी लिना श्रेष्ठ, जानकी कुँवर र पुष्पा शाहले रक्तदान कार्यक्रममा सहयोग गर्नुभएको थियो ।