काठमाडौ, कात्तिक ४ गते । नया सरकार गठनपछि विदेश भ्रमण गरी अन्तर्राष्ट्रियजगत्मा नेपालको अवधारणा स्पष्ट गर्नमा व्यस्त प्रधानमन्त्री पुष्पकमल दाहाल 'प्रचण्ड'ले अहिले जनतालाई अनुभूति हुने गरी आन्तरिक परिवर्तन गर्न र राजनीतिक समझदारी बढाउन दलका शीर्ष नेताहरूसागको छलफललाई तीव्रता दिनुभएको छ ।
यसै क्रममा सोमबार प्रधानमन्त्री प्रचण्डले नेपाली काङ्ग्रेसका सभापति तथा पूर्वप्रधानमन्त्री गिरिजाप्रसाद कोइरालाई भेटी नेपाली काङ्ग्रेसलाई सरकारमा सहभागी हुन आग्रह गर्नुभएको छ ।
साथै प्रधानमन्त्रीले शान्तिप्रक्रियालाई अगाडि बढाउन तथा सरकार सञ्चालनका लागि गठन गर्ने भनिएका विशेष समिति गठन तथा जनतालाई अनुभूति दिने खालका काम गर्ने विषयमा नेकपा -एमाले)का महासचिव झलनाथ खनालसाग परामर्श गर्नुभएको छ ।
सोमबार अपराहृन कोइराला निवास महाराजगन्जमा प्रधानमन्त्री प्रचण्ड र कोइरालाले भेट गरी करिब आधा घण्टा राजनीतिक परामर्श गर्नुभएको थियो ।
भेटपछि पत्रकारहरूसाग कुरा गर्दै प्रधानमन्त्री प्रचण्डले आफूले शान्तिप्रक्रियालाई तार्किक निष्कर्षमा पुर्याउन आवश्यक संवैधानिक तथा राजनीतिक आयोगहरू बनाउन लागेको हुादा नेपाली काङ्ग्रेससाग समझदारी हुनुपर्ने र त्यसका लागि नेपाली काङ्ग्रेस सरकारमा सहभागी हुनु आवश्यक रहेको कुरा कोइरालासाग राखेको बताउनुभयो ।
जवाफमा कोइरालाले तत्काललाई नेपाली काङ्ग्रेस सरकारमा सहभागी हुने सोच नभएको र सरकारबाहिर बसेर पनि समझदारी बन्नसक्ने बताउनुभएको प्रधानमन्त्री प्रचण्डले बताउनुभयो ।
त्यस्तै प्रधानमन्त्रीले नेपाली काङ्ग्रेसलाई 'रिजिड' नहुन र लचिलो बस्न आग्रह गर्दै सबै कुरा समझदारीबाट गर्न आफू तयार रहेको बताएको पनि पत्रकारहरूलाई जानकारी दिनुभयो ।
त्यस्तै आफूले अन्तर्राष्ट्रिय क्षेत्रमा नेपालले सम्बोधन गर्नुपर्ने सबै कुरा गरेको र त्यसबाट आफू सन्तुष्ट भएको जानकारी गराएको प्रचण्डले बताउनुभएको थियो । यसबीचमा देशभित्रका विषयमा धेरै काम गर्न नसकेको र अब त्यसतर्फ आफूले ध्यान दिने र त्यसका लागि गिरिजाप्रसाद कोइरालाको सहयोग आवश्यक भएको पनि आफूले बताएको पत्रकारहरूलाई जानकारी गराउनुभयो ।
उहााले भेटका क्रममा कोइरालालाई उहााले शान्तिप्रक्रियाको सुरुदेखि संविधानसभाको निर्वाचनसम्म महìवपूर्ण भूमिका खेलेको स्मरण गराएको र त्यस बेला बनेको महìवपूर्ण समझदारीलाई संविधान लेखन नभएसम्म कायम राख्नुपर्ने कुरा पनि राखेको बताउनुभयो ।
यसैबीच सोमबारै नेकपा -एमाले)का महासचिव झलनाथ खनाल तथा उपप्रधान तथा गृहमन्त्री वामदेव गौतमसाग पनि प्रधानमन्त्री प्रचण्डले प्रम निवास बालुवाटारमा भेट गर्नुभयो ।
भेटमा भोलिबाटै राज्य सञ्चालन विशेष समिति बनाउने, सरकारलाई यसै साताभित्र पूर्णता दिने तथा नेकपा -एमाले) र नेकपा -माओवादी)का भ्रातृ सङ्गठनबीच भएका झडपका घटना दोहोरिन नदिन नेतृत्व तहले उच्च सतर्कता अपनाउने विषयमा समझदारी भएको बताइएको छ ।
