भजनी (कैलाली), असोज ६ गते । कैलाली जिल्लाका मौसम अनुकूल बनेकोले सोमबारदेखि बाढीपीडितलाई उद्धार गर्ने र राहत दिने कार्य सुरु भएको छ । डुबानमा परेकाहरूको उद्धारका लागि नेपाली सेना, सशस्त्र प्रहरी, जनपद प्रहरी, जनमुक्ति सेना, युथ फोर्स र स्थानीय क्लबहरु सक्रिय भएका छन् ।
सोमबार बिहान श्रम तथा यातायात व्यवस्थामन्त्री लेखराज भट्ट र कैलाली, कञ्चनपुरका सभासद्सहितको टोली पनि उद्धार तथा राहत वितरण गर्न बाढी प्रभावित क्षेत्रमा पुगेको थियो ।
सोमबार बिहान र दिउसो गरेर १२५ जनालाई जीवितै उद्धार गरिएको छ । उद्धार हुनेमा थापापुरको काडाढिक र कृष्णनगरका एक सयजना छन् । यस्तै गरेर लालबोझी-८ कौवाखेडाका २५ जनाको पनि सोमबार बिहान उद्धार गरिएको थियो ।
उद्धार गरिएका थापापुर-९ काडाढिकका राजबहादुर शाहका अनुसार बाढीपीडितहरुले तीन दिनदेखि खान पाएका छैनन् । आफूहरु टायलले छाएको घरमाथि बसेर बााच्न सफल भएको उहााले बताउनुभयो । घरमाथि चढ्न खोज्दा शाहका छोरा गोविन्दको खुट्टा भाचिएको छ । गोविन्दलाई बुबाआमासहित उपचारका लागि हेलिकोप्टरबाट धनगढी ल्याइएको छ ।
सोमबार नै विभिन्न सङ्घसंस्थाद्वारा प्रदान गरिएको राहत सामग्री नेपाली सेनाको हेलिकोप्टरबाट लगेर थापापुर, भजनी र लालबोझीका विस्थापितलाई वितरण गरिएको छ । राहत सामग्री लैजान सोमबार तीन पटक हेलिकोप्टर परिचालन गरिएको थियो ।
जनमुक्ति सेनाको साताै डिभिजनका सहकमान्डर जीवनको नेतृत्वमा ५५० जनाको टोली डुबानमा परेकाहरुको उद्धारका लागि भजनी, थापापुर, नारायणपुर, रतनपुर, पहलमानपुर र लालबोझी पुगेको छ । माओवादी सेनाले बाढीपीडितहरुलाई दुई लाख नगद, एक सय क्विन्टल चामल र ६० क्विन्टल चिउरा वितरण गरेको छ ।
यस्तै गरेर वल्र्ड भिजनले बाढीपीडितका लागि तीन लाख रूपियाा बराबरको ५० क्विन्टल चिउरा, १० क्विन्टल चिनी र ५० कार्टुन चाउचाउ दिएको वल्र्ड भिजनका टिमलिडर लक्ष्मेश्वर महतोले बताउनुभयो ।
डुबानमा परेका विस्थापितलाई भजनीस्थित मोहन्याल उच्च माविमा राखिएको छ । मोहन्यालमा भजनी, लालबोझी, थापापुर र खैलाडका पााच सय विस्थापित बसेका छन् । विस्थापित भएर आउनेको सङ्ख्या बढ्दै गएको माओवादीका भजनी क्षेत्र इन्चार्ज ऋषिराज विनाडीले बताउनुभयो । विस्थापित बसेकाले मोहन्याल उच्च माविको पठन-पाठन आइतबारदेखि बन्द छ ।
भजनीका स्थानीयबासी सिद्धराज जैसीका अनुसार दर्जनौा गाउाका विस्थापितलाई अझै उद्धार गर्न र राहत वितरण गर्न सकिएको छैन । उद्धार हुन नसकेकाहरु उच्चो जमिन, आफन्त र सार्वजनिक स्थलमा बसिरहेका छन् भने कतिपय उद्धार हुने आशामा घरमाथि बसिरहेका छन् ।
शुक्रबार, शनिबार र आइतबार लगातार तीन दिन परेको अविरल वषर्ाले बढेको पानीको सतह अहिलेपनि घटेको छैन । अहिले पनि भजनी, लालबोझी, खैलाड, थापापुर, रतनपुर, पबेरा, बसौटी, नारायणपुर, धनसिंहपुर र गदरियालगायतका दर्जनौा गाविसका सयौ गाउ डुबानमा छन् ।
सोमबारको राहत तथा उद्धार कार्यमा मन्त्री, सभासद्सागै नेपाली, काङ्ग्रेस, नेकपा-एमाले)का स्थानीय नेता, नेपाली सेनाका अधिकृत, जवानलगायतको सहभागिता रहेको थियो ।
मृतक सङ्ख्या १३
कैलालीमा बाढीमा परेर मर्नेको सङ्ख्या १३ मात्र रहेको प्रमुख जिल्ला अधिकारी क्षेत्रबहादुर भण्डारीले बताउनुभयो । जिल्ल्ाा प्रशासन कार्यालयका अनुसार अहिलेसम्म २८ जना बेपत्ता छन् भने १३ जना घाइते भएका छन् ।
त्यस्तै नौ हजार घरपरिवारका ५० हजारजना विस्थापित भएका छन् । अहिलेसम्म एक हजार पाच सय घर भत्किएको जानकारी नेपाल रेडक्रस सोसाइटीले दिएको छ । पूर्व-पश्चिम राजमार्गअन्तर्गत कैलालीको पहलमानपुरमा सडक बग्दा चार दिनदेखि ठप्प यातायात सेवा झन् ठप्प हुन पुगेको छ । पहलमानपुरबाट पूर्व वा पश्चिम जान बस परिवर्तन गर्नुपर्ने अवस्था छ । बगेको सडकमा काठ राखेर पैदल हिडेर आवतजावत गर्ने व्यवस्था स्थानीयवासीले गरेका छन् ।
