लन्डन, असार २१ गते। आग्नेस्का राड्वान्स्का बिहीवार जर्मनीकी एन्जेलिक कर्बरलाई ६-३, ६-४ ले हराएर विम्बल्डनको फाइनलमा पुगेकी छन्।

राड्वान्सका ७३ वर्षपछि ग्रान्डस्लामको फाइनलमा पुग्ने पोल्यान्डकी पहिलो खेलाडी हुन्। सन् १९३९ मा पोल्यान्डकी जाड्विगा जेडे्रजोस्काले प|mेन्च ओपनको फाइनल खेलेकी थिइन्। विम्बल्डन जुनियर च्याम्पियन बनिसकेकी २३ वषर्ीया राड्वान्स्काले शनिवार फाइनलमा चार पटक उपाधि जितिसकेकी सेरेना विलियम्स अथवा विश्व वरीयतमा दोस्रो स्थानमा रहेकी भिक्टोरिया अजारेन्कामध्ये एकविरुद्ध खेल्नेछिन्।

कर्बर पनि सन् १९९९ मा स्टेफी ग्राफपछि ग्रान्डस्लामको फाइनलमा पुग्ने पहिला महिला खेलाडी बन्ने अभियानमा थिइन्।

यसैगरी, बेलायतका एन्डी मरेले बुधवार राति स्पेनका डेभिड फेरेरलाई ६-७ -५), ७-६ -६), ६-४, ७-६ -४) ले हराएर विम्बल्डन टेनिसको सेमिफाइनलमा स्थान बनाएका छन्। मरेले फाइनल प्रवेशका लागि प|mान्सका जो विल्प|mेड सोङ्गासँग प्रतिस्पर्धा गर्नेछन्।

सन् १९३६ मा प|mाइड पेरीले उपाधि जितेपछि बेलायती खेलाडीले विम्बल्डन जित्न सकेको छैन। मरे सोही पखाइ तोड्ने दाउमा छन्। भोलि सेमिफाइनल जितेमा मरे सन् १९३८ मा बोन अस्टिनपछि उपाधि भीडन्त गर्ने पहिलो बेलायती खेलाडी बन्नेछन्। अर्को सेमिफाइनलमा शीर्ष वरीयताका नोभाक जोकोभिच र रोजर फेडेररबीच प्रतिस्पर्धा हुनेछ।

मरेले जितपछि भने- यस नतिजाले सन्तुष्ट बनाउन सकेको छैन, म योभन्दा पर पुग्न चाहन्छु, केही वर्षदेखि मेरो प्रदर्शन निखारिँदै आएको छ, त्यसैले अब ग्रान्डस्लाम जित्ने समय आएको जस्तो लाग्छ। एपी