भीमदत्तनगर, चैत ७ गते। कञ्चनपुरका मुक्त कमैयाहरुलाई मतदाता शिक्षा मार्फत मतदाता नामावली दर्ता कार्यमा सहभागि गराउन अभियान सञ्चालन गरिएको छ। मतदाता नामावली संकलनका क्रममा छुटेका मुक्त कमैयाहरुका लागि कार्यक्रम सञ्चालन गरिएको हो।
मुक्त कमैयाका विभिन्न संघसंगठनहरुले शिक्षा दर्ता प्रक्रिया प्रर्बद्वन कार्यक्रम मार्फत मुक्त कमैया बस्तिमा पुगेर फोटो सहितको मतदाता परिचयपत्रमा फाइदा, नामावलीमा नाम दर्ता प्रक्रिया, प्रविधि र कानुनी व्यवस्थाबारे सचेत पार्न थालिएको हो।
मताधिकारबारे मुक्त कमैयाहरुको बुझाई र राष्ट्रिय परिचयपत्र सबैले पाउन भनेर साक्षरता शिक्षालाई गाउँ गाउँमा पुर्याइएको मुक्त कमैया समाज कञ्चनपुरले जनाएको छ।
मजदुरीका लागि घरबाट टाढा गएका र घरमै भएर पनि मतदाता परिचय पत्रबारे अनभिज्ञ रहेका मुक्त कमैयाहरुलाई मताधिकारबारे सचेतना कक्षा मार्फत बुझाई निर्वाचन कार्यालयमा मतदाता नामावलीमा नाम समावेश गराउन उत्प्रेरित गर्ने कार्यक्रमको उद्देश्य रहेको छ।
