ग्ाणेश थापाको नाम नसुन्ने फुटबलपे्रमी नेपाली सायदै होलान्। ४० र ५० को दशकका नेपाली फुटबल टोलीका प्रसिद्ध खेलाडी तथा कप्तान थापा अहिले अखिल नेपाल फुटबल सङ्घको अध्यक्ष छन्। उनको परिचय यतिमा मात्र सीमित छैन, अन्तर्राष्ट्रिय फुटबल

महासङ्घ -फिफा) को यु—१७ विश्वकप आयोजक समितिका सदस्य, एसियाली फुटबल महासङ्घ -एएफसी) उपाध्यक्षका साथै एएफसी प्रेसिडेन्ट कप तथा एएफसी च्यालेन्ज कप आयोजक समितिका अध्यक्ष पनि हुन् थापा। थापासँग उनको जीवनको पहिलो कमाइबारेमा गरिएको छोटो कुराकानी ः

. पहिलो कमाइ ?

- आजभन्दा ३१ व्ार्षअघि सन् १९८१ म्ाा।

. कुन कामबाट ?

- फुटबल खेलाडी हुँ, फुटबलै खेलेर। सन् १९८१ म्ाा बङ्गलादेशको मोहम्मदन स्पोर्टिङ क्लबबाट फुटबल खेल्दा।

. कमाइ कति थियो ?

- वाषिर्क झन्डै दुई लाख रुपियाँ।

. के गरियो त्यो कमाइबाट ?

- त्यतिबेला बीए पढ्दै थिएँ, अविवाहित थिएँ। मोटरसाइकल, क्यामेरा, चस्माजस्ता आफूलाई चाहिने चिज किनियो। घरपरिवारलाई पनि उपहार किनियो।

. अनुभव कस्तो रहृयो, पहिलो कमाइको ?

- अनपेक्षित थियो। चरम आनन्दको अनुभव भयो। गौरवका साथै आफनो अस्तित्वप्रति आत्मविश्वास जाग्यो।

. अहिलेको कमाइ तथा त्यो पहिलो कमाइबीचको कस्तो भिन्नता महसुस हुन्छ ?

- त्यतिबेला केही दायित्व थिएन । हिच्किचाहट थिएन न त चिन्ता नै केही थियो। मनलाग्दो तरिकाले खर्च गरियो। अहिले घरपरिवारको दायित्व छ, जिम्मेवारीपूर्वक खर्च गरिन्छ।

. पहिलो कमाइको संस्मरण हिजोआज पनि हुन्छ ?

- पक्कै पनि। कहिलेकाहीँ जग्गामा लगानी गरेको भए हुन्थ्यो जस्तो लाग्छ, त्यतिबेला रोपनीको ४०/५० हजार रुपियाँमा काठमाडौँका राम्रा ठाउँमा जग्गा पाइन्थ्यो।

. पहिलो कमाइबाट प्राप्त अनुभव, शिक्षा आप\mना सन्तानसँग बाँडिएको छ ?

- मार्गदर्शनका रूपमा बाँड्छु।

. अहिलेको त्यस्तो कुनै कमाइ जसले पहिलो कमाइजस्तै गौरव तथा सन्तोष दिएको छ ?

- सन् १९८८ मा प|mान्समा आयोजित विश्वकपको टेक्निकल कमिटीमा काम गर्दा तथा फिफामा काम गर्दा हुने कमाइले निकै गौरव तथा सन्तोषको अनुभूति गराउँछन्।

. अमृत कँडेल